世界上有各種各式各樣嘅酒店，唔同嘅酒店都以唔同嘅特色作招徠，好似有啲酒店選址係外國古堡，讓客人感受時光倒流嘅感覺；又有啲酒店有強烈嘅熱帶風情，等客人可以舒緩一下生活嘅壓力。不過有間外國酒店， 最近就引起好大嘅迴響，佢並無任何華麗嘅裝修亦都冇奢華嘅服務，甚至連自己嘅獨立廁所都冇，一樣係晚晚都full Booking，到底係點解，一 齊去睇下啦。
呢間位於瑞士嘅露天酒店Null Stern只係得一張雙人床，設有一個床頭櫃同一盞燈，雖然冇天花板，牆，廁所，或者任何普通酒店有嘅設施，但無減佢嘅叫座力，去到依家已經有數百人排隊等去住啦，認真犀利。只要俾250瑞郎 (約$2,045港元) 租住費用，就可以係海拔6,463英尺嘅Graubunden山脈渡過一個寧靜夜晚。至於最近嘅浴室，就係一個十分鐘步行路程嘅公共廁所，乾唔乾淨就見人見智啦。另外會有一名管家負責迎接客人，同埋喺早上為客人提供薩拉米香腸三文治同咖啡。
講咗咁耐，唔知你又有冇心動呢？不過要注意嘅係，如果嗰日天氣惡劣，你係有權取消酒店預訂，但要再等幾耐，真係冇人知，俾你，又會點揀？
呢間位於瑞士嘅露天酒店Null Stern只係得一張雙人床，設有一個床頭櫃同一盞燈，雖然冇天花板，牆，廁所，或者任何普通酒店有嘅設施，但無減佢嘅叫座力，去到依家已經有數百人排隊等去住啦，認真犀利。只要俾250瑞郎 (約$2,045港元) 租住費用，就可以係海拔6,463英尺嘅Graubunden山脈渡過一個寧靜夜晚。至於最近嘅浴室，就係一個十分鐘步行路程嘅公共廁所，乾唔乾淨就見人見智啦。另外會有一名管家負責迎接客人，同埋喺早上為客人提供薩拉米香腸三文治同咖啡。
講咗咁耐，唔知你又有冇心動呢？不過要注意嘅係，如果嗰日天氣惡劣，你係有權取消酒店預訂，但要再等幾耐，真係冇人知，俾你，又會點揀？
Comments
Post a Comment