【意大利】【首間Starbucks開幕，排隊人龍超過一個鐘】

意大利首間Starbucks開業，非常多人前往。

早前就報道過咖啡連鎖店龍頭Starbucks，諗住去意大利開首間門市，被視為「挑機」。因為咖啡可以話係意大利嘅國民飲品，佢哋嘅咖啡文化絕對係全球數一數二，唔少人都唔睇好Starbucks，甚至有意大利人笑言係「美國摻水咖啡」。終於第一間意大利Starbucks喺9月正式喺米蘭開業，而第一日已經引嚟大批民眾，要排成個鐘隊喎！不過好多意大利嘅評論人都話呢個只係新熱潮嘅熱鬧，唔睇好Starbucks可以喺意大利獲得成功。因為意大利人飲咖啡好似飲水咁，而且只愛Espresso，好多時只會去咖啡店嘅門口一張小吧枱，一飲而盡，成個過程唔多於5分鐘，而且一日可以飲4、5杯。呢個習慣同Starbucks標榜坐低慢慢嘆咖啡完全唔同，意大利人唯一會坐低飲咖啡就係同朋友一齊傾計；甚少自己一個坐喺咖啡店中上網或者工作。凡此種種，都似乎非常唔合乎Starbucks嘅目標喎。日後大家要拭目以待，睇下Starbucks究竟係會繼續開分店，定係結業退出意大利喇。

唔少人都一早嚟排隊，成個鐘先入到去。



因為意大利人飲咖啡好似飲水咁，而且只愛Espresso。