【加拿大】【大麻合法化，推出首款大麻啤酒】

加拿大啤酒品牌Province Brands將推出全球第一款大麻啤酒。

唔少國家雖然唔承認大麻合法，不過當地人使用頻密而且當正常事，基本上政府執法都隻眼開隻眼閉，唔會理會，有見及此，有唔少地方開始研究正式准許大麻合法化。加拿大就於上個月10月17日正式開始娛樂用大麻合法化，呢個無疑係一個佔幾百億嘅市場，所以市場上都磨拳擦掌準備加入。率先加入戰場就係由啤酒品牌Province Brands嘅大麻啤酒！過往所謂「大麻啤酒」只係喺啤酒度注入大麻油；但由於目前使用大麻合法化後，可以直接用大麻根莖去釀酒！無論味道同濃度都係前所未有。除咗啤酒之外，有其他品牌亦陸續開始研究大麻雞尾酒、大麻蛋糕、大麻蜂蜜等等。其實加拿大使用大麻嘅技術係十分厲害，因為一早已開放醫療用大麻，所以無論技術上同人才上都十分充裕。睇嚟不久將來加拿大會成為大麻副產品第一大國家呢！

早前加拿大正式推行娛樂用大麻合法化。



不過對於大麻來源同數量都有嚴格規管。