【美國】【Starbucks全美首間手語分店正式開幕】

店內裝修均以手語為主題，並儘量配合聽障人士需要。

繼2016年美國連鎖咖啡店Starbucks喺馬來西亞開設全球首間「手語店」，近日喺美國華盛頓特區高立德大學 (Gallaudet University) 附近開設首家美國手語分店，所有店員均為聽障人士，而普通客人即使無法使用手語，亦可透過平板電腦下單同查看進度。高立德大學係「全世界唯一」專為失聰、聽障人士而設嘅大學。「手語店」嘅開設方便唔少鐘意Starbucks嘅學生、教授等。Starbucks更特意從其他分店調嚟聽障員工，全店25名員工當中有19名係完全聽障，其餘為聽力部分受損。當中懂得手語嘅店員均會配戴「I Sign」字樣嘅扣針，代表能以美國手語 (ASL) 溝通。而店內裝修均以聽障人士嘅需要優先，例如保持店內光線充足，使用啞色嘅櫃檯避免光線過度反射。店內亦使用聾人藝術家高立德大學兼職教授Yiqiao Wang創作嘅壁畫，同埋其他聾人藝術家設計嘅咖啡杯。

顧客即使唔識手語，亦可以利用平板電腦同店員溝通。



店內出售由聽障藝術家Jena Floyd設計嘅咖啡杯。