【奇聞趣事】【空姐力數乘客鍾意偷奇怪嘢】

點估得到有人連氧氣罩都要偷，拎嚟做乜？

坐飛機有時會留意到，有乘客似乎好手多多，點都要拎少少嘢走，導致成日都有嘢唔見。最常見嘅就係啲餐具、杯碟等，但原來仲有好多奇怪嘢有人偷㗎！

根據《華盛頓郵報》近日訪問咗一位空姐Joyce Kirby，佢喺Business艙做咗好多年，睇過無數奇怪偷嘢乘客。例如好多乘客係鍾意拎下座位下嘅救生衣、甚至頭頂嘅氧氣罩！

導致每一次航班完結後空姐都細心檢查，確保下次起飛前唔會缺少咗救生衣同氧氣罩。當然頭等同商務艙嘅枕頭、毛毯都係經常被偷。Joyce話有乘客就算被佢哋見到制止但仍然面無愧色，仲話「航空公司牟取暴利，我哋拎走啲嘢都係合理」呢啲歪理；不過Joyce話都有啲人有苦衷，例如有一位飛行常客係教師，佢每次都會拎走自己張毛毯同枕頭，原來係拎去派畀露宿者，好有心，不過呢啲行為都係唔啱呢。

救生衣呢啲偷咗可大可小，有起事上嚟點算？



枕頭毛毯係最多人偷嘅物品，唔意外。