【新加坡】【哈利波特場景降臨樟宜機場，影相打卡好去處】

哈利波特嘅熱潮旺盛，最近更燒到新加坡。新加坡樟宜機場大堂，重現哈利波特幾個重要場景，好似「活米村」、霍格華茲快車等，不管你係入境或出境都可以影相打卡。樟宜機場嘅哈利波特場景，不單止可以影相留念，更有唔同遊戲同紀念品。最受歡迎嘅活動非「魁地奇」莫屬，旅客可以親身體驗騎掃帚嘅感覺。由於活動大受歡迎，所以打算喺出入境嘅空餘時間體驗嘅旅客，記得要預先訂位。機場更設有哈利波特專門店，等旅客可以買紀念品帶返屋企。樟宜機場曾被評為全球最好嘅機場，連續25年被《商旅雜誌》評選嘅世界最佳機場，喺2017年5連霸獲得SKYTRAX年度全球最佳機場獎。樟宜機場共有5座航廈，設施多元化，有空中花園、泳池、24小時影院等。