每天，我哋追趕著城市急速發展嘅步伐，為嘅係要透過工作換取生活。家中一切以至日常嘅基本需要，幾乎都能予取予求，我哋高度依賴嘅城市基礎建設，既係生活安全網，亦係文明社會嘅指標，當一切越發展成熟，佢越似一幅縱橫穿貫嘅網，覆蓋住我哋嘅生活同城市。
有啲人選擇反其道而行，離開固有生活圏，拒絕受制於過份依賴嘅生活，反璞歸真，希望靠住一雙手開創自己嘅生活方式同態度，被外界稱為「脫網族」。佢哋切斷城市供應嘅水電資源，運用周遭以至大自然發掘得嚟嘅素材作基礎建設，開創獨特生活之餘，亦解決到生存所面對嘅各類問題。
究竟選擇脫網生活 (Living off the grid) 嘅人，係為咗環保、對抗主流、體現命運自主抑或有更多複雜嘅原因？遠離習以為常嘅舒適生活，我哋能夠應付生活上多少嘅挑戰？
節目跟隨一直嚮往鄉郊生活嘅「野人」莫皓光，為咗實踐生活上完全嘅自給自足，遠赴加拿大同日本，穿梭山林同城際之間，走訪唔同嘅脫網族，一齊研究點樣開展屬於自己嘅「脫網」人生。
崇尚自給自足生活嘅「脫網族」，一般以夫婦同單身一族為主。然而，帶住一家大小或廣邀身邊嘅人一齊過呢種生活嘅脫網族，對理想生活嘅追求同堅持，並非一般人所能理解。
住喺加拿大卑斯省中部嘅夫婦Jeff 同 Rose ，帶住五名女兒喺密林中過着不一樣嘅生活。佢哋遠離城市，單純為咗培育下一代。有別於一般家庭，Jeff 同 Rose親自教授女兒生存技能，包括打獵、建屋、捕魚，甚至不讓女兒到學校上課，嘗試擺脫傳統教育嘅束縛。喺自給自足嘅環境中，培養女兒獨立，學習主導自己嘅人生。
可是，傳承脫網生活又豈只有家庭教育嘅角色？即使好似我同你一樣嘅陌生人，都可以共享脫網體驗，獲得改變生活嘅力量。
踢踏舞者Asaki 經歷過2011年東日本大地震，曾徘徊喺生死邊緣，頓悟生命嘅意義。佢毅然捨棄東京舞室嘅工作，搬到岡山縣嘅山中過脫網生活。一切化繁為簡，讓Asaki有煥然一新嘅感覺。因此，佢立志要將呢種生活方式分享畀身邊嘅人，仲成立咗「Asaki University」，鼓勵每個人喺大自然中，尋找自己嘅新生活模式。
今集，已為人父嘅體驗自然班導師莫皓光 (野人)，將會分別拜訪致力傳承脫網人生嘅 Asaki 以及 Jeff 同 Rose一家，一齊思考點樣同大自然共生之餘，同時將脫網精神延續下去。
有啲人選擇反其道而行，離開固有生活圏，拒絕受制於過份依賴嘅生活，反璞歸真，希望靠住一雙手開創自己嘅生活方式同態度，被外界稱為「脫網族」。佢哋切斷城市供應嘅水電資源，運用周遭以至大自然發掘得嚟嘅素材作基礎建設，開創獨特生活之餘，亦解決到生存所面對嘅各類問題。
究竟選擇脫網生活 (Living off the grid) 嘅人，係為咗環保、對抗主流、體現命運自主抑或有更多複雜嘅原因？遠離習以為常嘅舒適生活，我哋能夠應付生活上多少嘅挑戰？
節目跟隨一直嚮往鄉郊生活嘅「野人」莫皓光，為咗實踐生活上完全嘅自給自足，遠赴加拿大同日本，穿梭山林同城際之間，走訪唔同嘅脫網族，一齊研究點樣開展屬於自己嘅「脫網」人生。
崇尚自給自足生活嘅「脫網族」，一般以夫婦同單身一族為主。然而，帶住一家大小或廣邀身邊嘅人一齊過呢種生活嘅脫網族，對理想生活嘅追求同堅持，並非一般人所能理解。
住喺加拿大卑斯省中部嘅夫婦Jeff 同 Rose ，帶住五名女兒喺密林中過着不一樣嘅生活。佢哋遠離城市，單純為咗培育下一代。有別於一般家庭，Jeff 同 Rose親自教授女兒生存技能，包括打獵、建屋、捕魚，甚至不讓女兒到學校上課，嘗試擺脫傳統教育嘅束縛。喺自給自足嘅環境中，培養女兒獨立，學習主導自己嘅人生。
可是，傳承脫網生活又豈只有家庭教育嘅角色？即使好似我同你一樣嘅陌生人，都可以共享脫網體驗，獲得改變生活嘅力量。
踢踏舞者Asaki 經歷過2011年東日本大地震，曾徘徊喺生死邊緣，頓悟生命嘅意義。佢毅然捨棄東京舞室嘅工作，搬到岡山縣嘅山中過脫網生活。一切化繁為簡，讓Asaki有煥然一新嘅感覺。因此，佢立志要將呢種生活方式分享畀身邊嘅人，仲成立咗「Asaki University」，鼓勵每個人喺大自然中，尋找自己嘅新生活模式。
今集，已為人父嘅體驗自然班導師莫皓光 (野人)，將會分別拜訪致力傳承脫網人生嘅 Asaki 以及 Jeff 同 Rose一家，一齊思考點樣同大自然共生之餘，同時將脫網精神延續下去。
▼ 傳承篇
Comments
Post a Comment