每天，我哋追趕著城市急速發展嘅步伐，為嘅係要透過工作換取生活。家中一切以至日常嘅基本需要，幾乎都能予取予求，我哋高度依賴嘅城市基礎建設，既係生活安全網，亦係文明社會嘅指標，當一切越發展成熟，佢越似一幅縱橫穿貫嘅網，覆蓋住我哋嘅生活同城市。
有啲人選擇反其道而行，離開固有生活圏，拒絕受制於過份依賴嘅生活，反璞歸真，希望靠住一雙手開創自己嘅生活方式同態度，被外界稱為「脫網族」。佢哋切斷城市供應嘅水電資源，運用周遭以至大自然發掘得嚟嘅素材作基礎建設，開創獨特生活之餘，亦解決到生存所面對嘅各類問題。
究竟選擇脫網生活 (Living off the grid) 嘅人，係為咗環保、對抗主流、體現命運自主抑或有更多複雜嘅原因？遠離習以為常嘅舒適生活，我哋能夠應付生活上多少嘅挑戰？
節目跟隨一直嚮往鄉郊生活嘅「野人」莫皓光，為咗實踐生活上完全嘅自給自足，遠赴加拿大同日本，穿梭山林同城際之間，走訪唔同嘅脫網族，一齊研究點樣開展屬於自己嘅「脫網」人生。
脫網族經常面對好多需要體力勞動嘅工作，生活每分每刻都充滿住挑戰。但係俗語有云：「單絲不成線，獨木不成林」，只要你能聚集各人嘅力量，開展羣體生活嘅話，或許就能合力解決唔少同自給自足有關嘅問題。
喺加拿大卑詩省歌爾斯特島(Cortes Island)居住嘅農場主人Henry，早喺九十年代已買地同家人開展脫網生活。佢原本打算遺世獨立，但卻漸漸發現單憑一己之力，實在唔能夠應付生活嘅日常需要。因此，佢便開放農莊「Blue Jay Lake Farm」，廣邀陌生人前來共住。入住嘅唯一條件，係要協助打理農場，只要達到一定嘅勞動時數，就能共享農作物收成同生活資源。野人請教農場主人管理小村落嘅心得，同時亦體會到群體生活背後所帶出嘅種種難題。
呢種「協作共活」嘅生活方式，亦可見於日本富士山下。然而，佢哋嘅規模卻更為龐大－因為該處已住咗近百人。木之花家族嘅脫網傳統已有二十四年歷史，佢哋每一位嚟自五湖四海嘅人，都因為唔同嘅原因而嚟到呢度扎根。由於木之花家族歷史悠久，佢哋已具備一套成熟嘅分工系統，按照各人專長，分配到唔同嘅崗位，負責如釀製醬料、煮食、耕種同養蜂等工作。喺冇任何收入嘅情況下，各人分工合作，維繫住整條村喺食物供應上嘅自給自足，編織成一個龐大嘅資源共享網絡。
喺拜訪過Henry農場同木之花家族後，野人感受到兩國唔同嘅羣居方式，對自己心目中嘅脫網小村莊，有着截然不同嘅想法。
有啲人選擇反其道而行，離開固有生活圏，拒絕受制於過份依賴嘅生活，反璞歸真，希望靠住一雙手開創自己嘅生活方式同態度，被外界稱為「脫網族」。佢哋切斷城市供應嘅水電資源，運用周遭以至大自然發掘得嚟嘅素材作基礎建設，開創獨特生活之餘，亦解決到生存所面對嘅各類問題。
究竟選擇脫網生活 (Living off the grid) 嘅人，係為咗環保、對抗主流、體現命運自主抑或有更多複雜嘅原因？遠離習以為常嘅舒適生活，我哋能夠應付生活上多少嘅挑戰？
節目跟隨一直嚮往鄉郊生活嘅「野人」莫皓光，為咗實踐生活上完全嘅自給自足，遠赴加拿大同日本，穿梭山林同城際之間，走訪唔同嘅脫網族，一齊研究點樣開展屬於自己嘅「脫網」人生。
脫網族經常面對好多需要體力勞動嘅工作，生活每分每刻都充滿住挑戰。但係俗語有云：「單絲不成線，獨木不成林」，只要你能聚集各人嘅力量，開展羣體生活嘅話，或許就能合力解決唔少同自給自足有關嘅問題。
喺加拿大卑詩省歌爾斯特島(Cortes Island)居住嘅農場主人Henry，早喺九十年代已買地同家人開展脫網生活。佢原本打算遺世獨立，但卻漸漸發現單憑一己之力，實在唔能夠應付生活嘅日常需要。因此，佢便開放農莊「Blue Jay Lake Farm」，廣邀陌生人前來共住。入住嘅唯一條件，係要協助打理農場，只要達到一定嘅勞動時數，就能共享農作物收成同生活資源。野人請教農場主人管理小村落嘅心得，同時亦體會到群體生活背後所帶出嘅種種難題。
呢種「協作共活」嘅生活方式，亦可見於日本富士山下。然而，佢哋嘅規模卻更為龐大－因為該處已住咗近百人。木之花家族嘅脫網傳統已有二十四年歷史，佢哋每一位嚟自五湖四海嘅人，都因為唔同嘅原因而嚟到呢度扎根。由於木之花家族歷史悠久，佢哋已具備一套成熟嘅分工系統，按照各人專長，分配到唔同嘅崗位，負責如釀製醬料、煮食、耕種同養蜂等工作。喺冇任何收入嘅情況下，各人分工合作，維繫住整條村喺食物供應上嘅自給自足，編織成一個龐大嘅資源共享網絡。
喺拜訪過Henry農場同木之花家族後，野人感受到兩國唔同嘅羣居方式，對自己心目中嘅脫網小村莊，有着截然不同嘅想法。
▼ 鄰里篇
Comments
Post a Comment