【新加坡】【機場新地標「星耀樟宜」，世界上最高室內瀑布森林】

新加坡又有新地標「星耀樟宜」(Jewel Changi Airport)，將於下個月，亦即係4月17日正式開幕。「星耀樟宜」坐落喺新加坡樟宜機場嘅核心位置，佔地13.7萬平方公尺，全館上下共有十層樓。「星耀樟宜」將提供世界級嘅休閒遊樂設施、大規模嘅室內花園景觀、280多家特色品牌同餐飲商店、酒店同埋一系列機場運營設施。 「星耀樟宜」與樟宜機場嘅1號、2號同3號航站樓無縫銜接，旅客們可步行或乘坐高架輕軌列車輕鬆往返於各航站樓之間。

「星耀樟宜」以新加坡嘅「花園城市」為設計靈感，由國際知名建築師薩夫迪 (Moshe Safdie) 設計建造，巧妙咁將室內花園同世界一流嘅購物體驗與休閒設施融為一體：將令人歎為觀止嘅兩大景觀——森林谷 (Forest Valley) 同雨漩渦 (Rain Vortex) 置於中心位置，「雨漩渦」高40公尺，將成為世界上最高嘅室內瀑布。圍繞住雨漩渦嘅係高達四層樓嘅室內花園「森林谷」，其綠化面積約為2.2萬平方公尺，將成為新加坡規模最大、種類最多嘅室內植物天堂之一。

星空花園 (Canopy Park)，則位於「星耀樟宜」嘅頂樓，其中包含步行網 (Walking Net) 、彈跳網 (Bouncing Net)、樹籬迷宮 (Hedge Maze) 、鏡子迷宮 (Mirror Maze) 、奇幻滑梯 (Discovery Slides) 等指標性嘅特色遊樂設施。蜿蜒喺森林谷中嘅綠色步道直通零售同餐飲店鋪，展現自然同商業嘅共融樣貌，打造極致嘅驚喜購物體驗。

除此之外，仲有超過280家特色品牌商店同餐飲店鋪將陸續開幕，其中餐飲店鋪佔比30%。約60%嘅品牌係首度進駐樟宜機場，其中包括多家首度進入新加坡嘅各國熱門品牌、家喻戶曉嘅新加坡在地品牌等，為訪客們帶來多元化嘅購物同餐飲選擇。