【RTHK】【生態人：廢棄的紅樹林？】

大自然為我哋帶嚟樂趣。喜愛大自然，時常去觀察，會發現好多樂趣，但咁樣係唔夠嘅，大自然需要有人去硏究、收集數據、分析等。然後佢哋將呢啲工作成果畀我哋知道，社會得悉，咁樣生態先能獲益。香港有唔少生態硏究員長年從事有關科硏嘅工作，一連十一集，每集五分鐘嘅節目《生態人》，希望透過介紹生態硏究員嘅工作，令市民更明白佢哋嘅努力。

講起紅樹林，大家或者只會諗起濕潤而黏腳嘅泥地，或者係一塊又一塊廢棄之地。然而，咁只係我哋一般嘅想像。事實上，紅樹林為好多生物提供棲身之所，本身亦係一個擁有高度生產力嘅生態系統。如果願意留心觀察，就會發現佢美妙之處。鄭樂宜 (Christine) 同佢嘅導師簡斯諾博士 (Stefano CANNICCI) 就能從紅樹林中搵到好多以往未有嘅蟹類嘅紀錄，甚至係新品種嘅蟹。

▼ 廢棄的紅樹林？